Tuesday, March 16, 2010

= PISO LA ERSUKUL =

Erdakan ranting buluh,kerah makana gara...
Perdalan enggo ndauh,lenga pernah kujumpa...
Jumpa ras diberu bagi kena jelmana...
Tawa cirem ringut berjut seh manisna...
Ho..ho..ho..nande biringna...
Kai nge ndube puangndu tubuh...
Enca kin jumpa aku ras kena...
Ngalah tayang mata la mbera tunduh...
Ho..o..o..ho...~

Piso la ersukul,kai banndu langguna...
Petungko kita kundul,maka kita ngerana...
Gelah kuturiken,kerna kam teku ngena...
Ngenaku bandu labo terjeng biber ngenca...
Kusayang..kena kumanja...
Adi surung pagi kita ersada...
Kukelengi..kena kutami-tami...
Kam irumah aku saja encari...~

[reff]
Ho..ho..ho...Ho..ho..ho...
Uga nge nindu ngaloi rananku nde biring...
Ho..ho..ho...Ho..ho..ho...
Adina ue nindu man bangku mesayang...

Kubaba..kena ku Bali...
La seh Bali,Balige lah gia...
Janjiku..kita ku Bulan...
La seh Bulan,Bulan julu lah gia...
Kubaba..kena ku Bintang...
La seh Bintang,Bintang meriah lah gia...~

Tuesday, March 9, 2010

~ TERPAN LUAH ~

Enggo seh nande biring,tenahndu bangku...
Reh kam kurumah kostku,mama karo nindu...
Bagem smsndu man bangku...
La nggo erleka gelarndu ibas pusuhku...

Rikut tedeh ateku,kudahi kena kukota medan...
Lanai kueteh mela...
Gia cur-cur panasku...
Perban riahna ukurku jumpa ras kena...~

[reff]
Ongkos kin pe kupinjam,sambar gegeh kuban galarna...
Mela la tampil mela,gelah nggo jumpa ku ras kena...
Bage kin di ngayak-ngayak,ateta ngena...~

Tapi turang luah sikubaba...
La kepe bagi siarapken kena...
Kuakap kepe ngenca enggo mehaga...
Bas kena nande biring,biasa-biasa saja...
Luah sipadan bandu,aku mulihi mansa...
Lasam nande biring,adi la rasam...
Nggo terpan luah kepe mama karondu.......~

" SEH MANISNA "

Manis kel kena,seh manisna...
Turang mama karo,jantung hatiku...
Lalap kuterbayang,suari berngi...
Nginget-nginget kena,ateku jadi...
Oh turang mama karongku...
Oh turang jadi ateku...~

[reff]
Entebu gula jawa,manis seh manisna...
Roti sarikaya,manisen kuakap kena...
Mehaga baju raja,emas ras permata...
Tunggung seh tunggungna,tunggungen pake kena...~

O turang mama karongku...
O turang jadi ateku...
O turang keleng ateku...
O turang jadi ateku...~

** KENA LA SEH **

Ija nge salahna,ija kin lepakna...
Lalap lenga jumpa ate ngena...
Labo min ateku,milih-milih rupa...
Lit ka kin pe rusur rongketna...
Piga nggo kusungkuni,pusuh lalap la ngaloi...
Mbiar kal aku pepagi,lalap la meteh mehuli...~

Kudahi kel ndube,calon permen nande...
Kenjulu nari ku kenjahe...
Kena-kena la seh,bagem lalap jine...
Erkuan lenga erpengue...
Merupa tapina perkisat,mejingkat tapi seh rambitna...
Metami tapina perkadap,mehamat tapina pergelut...~

[reff]
Merupa mejingkat metami mehamat...
Lanai bo tehsa man daramen...
Perkisat merambit perkadap pergelut...
E tuhu seh kal nge teremna...~

O teman senina,sampati sitik aku...
Ntah lit idahndu kataken lah man bangku...
Turang sienterem apai nge kena sada...
Labo mehangke diheri sitik aku...~

Calon permen nande kusikken kari bangku...
Gelah kudahi kam dung peranin e...
Perkisat merambit perkadap tah pergelut...
Pe labo dalih di seh nge perkelengndu...~

Monday, March 8, 2010

¤ LA TERAMPUNI ¤

Senembas enda,kam lanai termaafken...
Bias nggo bias pusuhku rate ceda...
Luka sindekah lenga lit tambarindu...
Tambahindu lalap siman ukuren...~

La kurang sabar,aku radumken kena...
Puas nggo puas nimai masa robahndu...
Tapi gundari enggo keri sibarna...
Timbang kayokenndu mama karona...
Salang idah matangku...~

[reff]
Lalit ergana ateku keleng man bandu...
Lalit ngaruhna ibas pusuhndu agingku...
La terpegedang arih si enggo ipudun...
Pegedang kin pe pekeri arang nge ngenca...~

Pelcik pe ku punjut,banndu nge dalanna pulah...
Ije teku tutus,ije kam erbahan ulah...
Emaka siranglah sirang kita,aku la ngasup nde biring i pedua-duandu...
Dibata banci kam maafkenNa,tapi bas aku makarondu lanai lit ampunen...~

Saturday, March 6, 2010

= TUGU MONAS =

Medan ras Jakarta...
Eme erbanca kita duana nggo sitedehen biring...
Nande biring...
Idola pusuhku...~

Labo melebesa...
Adina ningku pertibi enda kam me bintangna agi...
Adi Monalisa...
Pantas kam jadi agina...~

[reff]
Tugu Monas jadi saksina,sangana ndube kita ngerana...
Sanga aku ku pulo Jawa...
Bicara jarak Medan Jakarta,asa Perbesi ku Berastagi...
Erdalin pe nggo kudalani...~

Kosong waluh sada dua empat kali...
Lima lima lima terkirim berita...
Biring tedeh ateku kena...
La ndekah ertima mis kel ibalasna...
Cirem cirem aku mbaca sms na...
Salam sayang ulanai kam main mata...~

Friday, March 5, 2010

** NUMPANG LEWAT **

Mberat kel pusuhku natang-natangsa...
Kinilasehen ateku ngena...
Pusuhku enggo ndauh ersura-sura man bandu...
Nggo kuarapken maka kam teman geluhku...~

Kena simenai arih-arihta...
Maka terdaya pusuh kubaba...
Gundari ibukuindu bagi singgulung lapik lukuten...
Nde kesirangen iting bandu tampukna...~

[reff]
Nande iting..metunggung tempa mbarenda...
Turikenndu ranan sirutang...
Gundari enggo pindondu sirang...~

Kusayangi..so ni arap impal...
Atendu ngena man bangku...
Kepe bagi pembercit gasing...~

La erbekas arih-arihta...
La erbekas arih-arihta...
Io oh andiko atendu ngena numpang lewat saja...~

¤ SETIA SAMPAI AKHIR ¤

Rasa lalap kam kukelengi,rasa lalap mesayang kam kusayangi...
Sipagitna ras sintebuna,ras kal kita ngenanamisa...
Bage duana...~

Kune serbut tangkelenndu,aku singelayasi pusuhndu...
Emaka nande nangin,ulanai dua ukurndu...~

[reff]
Bagi lau simaler mesayang...
Ibas uluna nari...
Gia ia medermet per rehna...
Tapi lalit ngadina...~

Bagem ukurku bandu nde nanginku...
Ula isangsikenndu...
Adi mama karondu mesayang...
Kena ngenca punana...~

Gia uruk siman bentasen,lawit gia turang siman keparen...
Ukurku lanai bo ngobah...
Aku setia sampai akhir...~

* RUDANG MAYANG *

O rudang mayang,jilena la teralang...
Batangna meledang,la terpandang...
O rudang mayang,jilena la teralang...
Buahna megara la terjaka...

[reff]
O rudang mayangku la nggo melus...
Salsali matawari...
O nande tiganku la nggo meruntus...
Ija kena gundari...

O rudang mayang,ise natapsa jengang...
Kita erturang bayu,jumpa sumbang...
--------------------------------------------------------------

Wednesday, March 3, 2010

= NARTAR MUTIKNA =

Mbincar bungana rimo ijuma,ertahun-tahun mupuksa...
Bas sada wari udan ras baho,nartar krina ras mutikna...
Pas kal bagi sikunanami,sirang me alu terpaksa...
Lanai gunana kune pumahi,pegetem nari nge ngenca...~

Pengkuhi nanam kel ngenca,bagi sere bas belanga...
Bas perpanganen sahun serapken,lanai bo turah pagi kune suanken...
Pas bagi ateku ngena,enggo keri pe buangken...
Lanai lit dalan ersada,nambah cedana nge ngenca...
Oh nande nanginku....~

[reff]
Apai dage kami sibujur...
Makana lalap naring iluhku mambur...
Apai dage kena simbegi...
Lah kuturiken krina ate mesui...~

Melala kuidah cakap man beginken nde nangin...
Lakin lah ban nggo aku tading...
Lolo tegun la erkesehen mesayang...
Mampa nahe lalit tujunna....~

* MESERA PE LA DEM *

Lanai tergargari ise sisalah...
Ibas arih-arihta nggo pulah...
Bage kal pelcikna kuban rakutna...
Tapi sibiakndu ngosarisa...
Lanai bo kurang-kurang mama karondu erjuang...
Tapi endam ulihna gundari aku nggo sahun terbuang....~

Lanai terbelinken ateku tutus...
Nangdangi kena nande biringku...
Teridah kal ndube aku la beluh...
Perban la jore babanku nggeluh...
Siarapken mama ras mami,kalak terpandang kelana...
Ija nge mbera tudu,jumpaken aku mesera pe labo dem....~

[reff]
Lang adi aku kena ateku agi...
Jadi pematang bas geluhku...
Lalit sideban selain kena agi...
Ateku ngena bas pusuhku....~

Tapi lalit dalanku atan,perban mesera pergeluhku...
Ibelinkenndu atendu lahang,perban mesera pergeluhku...
Perban karondu mesera pe labo dem...
Perban karondu mesera pe labo dem....~

¤ KITE ERSERPANG ¤

Kite dalan kumentas,ngelete ukurndu agingku...
Erserpang kel nge ndube,dalanku atan entah kin dalanta sirang...
Dalan ersada entah kin dalan terbuang...

Tambah ndeher siman ayaken,tambah ndauh dalanku ndarami...
Enterem siman sungkunen,tambah morahna pusuhku mbegi jababna...
Tambah melukna kiteku reh ndahi kena...~

[reff]
Kelelung-lelung kabang kuliki...
Ndabuh kuberngi ukurna sangsi...
Uga ningen mulih adi la rulih agi...
Ula min lasam ate jadi ndekah nimai...~

Dalanku tading pebelang mami...
Dalanku atan lalap olangi...
Enda kap ulahna erta doni ari...
Di lalit serpi lalit dalanku atan nungkuni...
Di lalit serpi lalit dalanku tampil nina mami...~

Bagi sinaka buluh arah datas me ni angkat...
Siarah teruh ni dideh...
Di la jore pergeluh labo tampil rasam gegeh...
Buruk kite kujabundu...
Duru inganku agingku...~

* MURO PERIK *

[dilaki]
Deleng sinabung babo mardingding...
Pulo-pulona page megersing...
Singuda-nguda kel ndube si peranisa...
Anak perana kel nina singangkatisa...
Wayah-wayahe nina sorana...
Wayah-wayahe turang sorana muro...~

[diberu]
Di kuta payung mama ture-turena...
Mbue tomatna nina nggo terberita...
Kena anak perana kel ndube singangkatisa...
Kami singuda-nguda mbarenda simutikisa...
Ha..ha..ha..ha..ha,nina sorana...
Ha..ha..ha..ha..ha,turang sorana tawa...~

[dilaki]
Tiga binanga turang singalor lau...
Tualah sirulo pulo-pulona...
Kami anak perana sinangkihisa...
Kena singuda-nguda kal ndube simumahisa...
Tek..kesar..ketum,nina sorana...
Tek..kesar..ketum,turang sorana ndabuh...~

[diberu]
Ije melala mesayang batang bengkuang...
Banci jadiken man amak mbelang...
Anak perana nge ndube simuatisa...
Kami singuda-nguda mesayang simbayuisa...
Ser..ketikeser,nina sorana...
Ser..ketikeser,turang sorana mbayu...~

Monday, March 1, 2010

"HABIS TEMPAT"

Pagi-pagi e agi,berkat ka me aku encari...
Gelap ka me kari aku maka mulih...
Kudahiken juma la erbaleng e turang...
Kealuri me dage pasar si nggedang...
Totokenndu dage aku gelahna kari...
Maba ulih mesayang ulih encari...~

Latih daging e agi,tiap wari kunanami...
Sung ngisahen ije ka aku bergehen...
Tapi nginget cirem ras kelengndu e tigan...
Menam-menam latihku e lanai kugejap...~

[reff]
Melawen gia kari aku mulih agi...
Ula gia mis aku curigaindu...
Medalit dalin e siman bentasen agi...
Ula gia mis aku ijungutindu...

Adi lanai kam tek turang nangdangi aku...
Sibuktiken ikut-ikut pagi aku...
Bas motor e nge ngenca turang enterem penumpangna...
Ibas pusuhku kam kal ngenca habis tempat.....~
-------------------------------------------------------------

** KAI SYARATNA **

Ndauh enggo perdalan,enda denga ku jumpa...
Siateku ngena,siateku jadi...
Nande bayang..nde bayang..nde bayang,kepe jelmana...
Nande bayang..nde bayang..nde bayang seh kal manisna...~

Natap cirem manisndu,bene mama karondu...
Banci nge kita ersada,keleng kal ateku kena...
Nande bayang..nde bayang..nde bayang,kai nge syaratna...
Nande bayang..nde bayang..nde bayang,aloi karondu...~

[reff]
Nande bayang tambar tedehku...
Nande bayang jantung hatiku...
Ya..ya..ya..ya,uga nge nindu bayang...
Ya..ya..ya..ya,aku tergoda...
Ya..ya..ya..ya,kai nge syaratna bayang...
Ya..ya..ya..ya,ngkelengi kena...~
--------------------------------------------------------------

Sunday, February 28, 2010

*PINANG GARA PANTIL*

Lit pagi masana... Erbanding-banding bas pusuhndu...
Kekelengen siapai nge ndia...
Sierbekasna ibas pusuhndu...
Kekelengen siapai nge ndia...
Sierbekasna ibas pusuhndu...~

Ije pagi itehndu...
Mama karo ndai pagi atendu...
Ije pagi maka nggo tehndu...
Kai ertina erkadiola...
Ije pagi maka nggo tehndu...
Kai ertina erkadiola...~

[reff]
Kerbo seratus terpermakani nge agi...
Di kena jelma sekalak lahang...
Bagi pinang sigara pantil kena...
Dagingndu nggo metua ukur kena lalap nge nguda...~

Meriah e lit nge pagi sibar agi...
Erkadiola pagi lalit ertina...
Bagi ketak-ketak lau bampu kena...
Mbelangsa pengarasen mbuesa peninggeren naruh bas asar lupa menda pedemken...
Ceda kel pagi atendu o turang...
Lanai kel pagi siat kudin...
Morah pagi atendu nande ribu...
Enggo lasam taruk ni tempi kukelengi...~

Wednesday, February 3, 2010

UGALAH KAM E??

Adi sirang nindu gundari saja...
Pangen sidungi arih-arihta...
Erteman ras kena lalit untungna...
Lalit kenangen manis man arapenken...

Kesah ras dareh nggo kuborohken...
Rananndu lalap la erkesehen...
Ateku tutus e labanci sehken...
Pinakit sibabandu mata duiten...

Kijang innova e...
Mis kal nangkihindu...
Bicara avanza min ndai kreta lembungku e...
Mis naring kam bangku satu...

[reff]
Enterem kuidah singuda-nguda mbarenda...
Tapi kena nge lalap ibas pusuhku...
Gundari enca kueteh uga ukurndu man bangku...
Mbiar aku bagi si ncep-cep pegu...

Adi usur-usurndu kin lagundu e...
Pangen surut terpaksa mama karo e...
Mbiar aku bene,bagi jambe la ertangke...
Seh nari nge ukurndu e,ugalah kam e..???
--------------------------------------------------------------

Macharoo

--------------------------------------------------------------
Ovi Mail: Being used by users in 178 countries
http://mail.ovi.com

DEBET-DEBET KIDU

Mula-mulana ndube kam kutandai agingku...
Ngarap kel aku kena singuda-nguda denga...
Piah nggo turah ukur engkelengi kena kusayangi...
Kena nge pagi ateku temanku arih...

Bas sada wari agi reh temanndu nuri-nuri...
Ikatakenna buni-bunindu nandangi aku...
Sengget kel aku turang megi-megi rananna e...
Merawa naring darahndu e...
Baba babandu ndehara kalak...
Lange kam mbiar aduken perbulangenna...
nina man bangku...

Jantung ku e nande biring sikalang tindihen....
Pusuhku e morah ate la terturiken...
Debe-debetku e bagi debet-debet kidu...
Takal ku e nari nge ngenca lanai medate...

[reff]
Perban jadina ateku kena,perban kelengna ateku kena...
La kubegiken cakap si enterem,la kuukuri siman alanken...
Gelahna banci kam jadi temanku arih...
La padah petugas siman alanken,lembing ras kelewang pe kualaken...
Gelah tekenndu surat ceraindu,isaksiken anak berundu...
Gelah nggo resmi kel kena,sijanda muda...

La ndube kusangka ersada acem ras nurung...
Erdemu kepe ia bas belanga...
Em adi nggo jodoh ersada kita duana...
Kualoken dage kena gia nggo janda...

PULUNGEN TAWAR

La ermedu-medu aku darami pulungen tawar...
Kerina bulung i kerangen enggo me kusiar...
Si enda ipilihi gelahna jadi tambar...
Enda ulihna aku la megiken ajar...

Rimo pangir pitu erbage enggom igelati...
Bunga lau pitu sampuren enggom i buati...
Kersik pitu inganen epe enggom i jemputi...
Sie kerina nande nangin enggom itabasi...

Sitik rananku salah,eme dalanna kutadingkenndu...
Robah pe aku ningku,lanai lit rananndu sengkebabah...
Suina e..suina e..Suinae nande nanginku...

[reff]
Perpulungen pe muat bagin la kel lupa ertoto...
Kasakai guru sibaso la ketadingen ercibal belo...
Pinakit ku e nande nangin lalap la malem...
Si ntebu e kin pe nanamna kuakap macem...

Ula pedah adam malik prigadi opnamekenndu aku turang...
Elisabet gleneagles pe enggom erpenulak...
Ula pedah sambar seribu gancih sambarndu nde nanginku...
'di la kin kena lanai malemna ibas ukurku...

Mari turang..mari mesayang...
Kam nge tambar e,Kam ngenca ngasup nambari aku...
Mari nde ribu..mari mesayang...
Adi lit denga perkuah atendu...
Tambari aku salu kekelengenndu...

UE_KEN KENA

Kubaba nurung ku pancur batu agi...
Maka terakap gule tama kembiri...
Adina surung kena man bangku agi...
Rasa lalap pagi kam kukelengi...
Rasa lalap kena kutami-tami...
Ueken kena nande biring,ueken kena...
Labo kusuruh kena pagi ku juma...
Ueken kena bere karo,ueken kena...
Kutami-tami kam pagi asa metua...

Tiga jumpa jahen tapin jumana...
Lembu marike nake pulah tambatna...
Gia la merupa mejin tuhu jelmana...
Erkalimbubu nake seh kel hamatna...
Adi ermama nake seh kel hamatna...
Ueken kena mama, ueken kena...
Kami kel pagi mami inganndu metua...
Ueken kena mama, ueken kena...
Kami kel pagi duana ingandu metua...

[reff]
Kutera gia adi kugengken...
Mesera gia radu sikelengen...
Ula ayaki merupa ras kalak bayak...
Kita nami-nami kita rusur si lepak...

Ueken kena turang,ueken kena...
Aku kel pagi temanndu asa metua...
Ueken kena nde biring,ueken kena...
Kutami-tami kam pagi asa metua...

ADI PERTEDEH ULA PERNEMBEH

Oh nande biringku ula kam sitik berjut...
Oh morah ateku ula kam jungut-jungut...
Gia berngi sisendah,aku melawen mulih...
Ula kam minter nembeh...
Bagem ndarami serpi,latih la tampil latih...
Bagem adi perliah...

Ngerance dagingku e lapadah ikuningindu...
Latih bitesku e lapadah i alunindu...
Ngidah ciremndu e,enggom ateku malem...
Bene ngalah-ngalahku...
Biring nde biring,kena nge tawar banggerku...
Inganku ergani-gani...

[reff]
Turang adi perliah ula kena perpusuh...
Adi kita pertedeh turang ula pernembeh...

Biring nande biring tatap min aku...
Gelah kuidah cirem manis ndu e...
Sayang ku sayang aloi min aku...
Gelah tedehku e nggo erkesehen...

Lala..lala....sayang aku sayang...
Lala..lala.....sayang nande biringku...

TERBELUH NURI-NURI

Kenca nggo ndekah karo kita ersada...
Enggo erbung kekelengenta bage duana...
La kuarap ndube bagenda nggo jadina...
Geluhku mesera karoku bena-benana...

Serbut ukurndu teridah bas ayondu...
Iluhndu mambur sinuriken isi pusuhndu...
Lasenang nande ribu bage kel nindu sayangku...
Lanai-lanai mama karo teraloi aku...

[reff]
Apusi dage iluhndu e...
Apusi makaro ula kam
ngandung...
Sada kel ngenca si kupindoken man bandu...
Terbeluh kam turang nandangi bibi...

Gelah ersada pagi kita duana...
Alo-alona aku jadi permenna...
Siapai la pagi bagi ukurna...
Terbeluh kam kaka nambur-namburisa...
Apai pepagi kurang payona...
Beluhndu pagi turang ije ngerana

CINTA NOKIA

Tuhu melenget adi pedauh erlajang bana...
Tapi lengetten kuakap pedauh ras ate ngena...
Nde tuhu kel ate udan musim perlego...
Tapi tedehen ateku rusur man kena...
Nde nangin..nde nangin..nde nanginku...
O cinta ningku erlebuh...

Nde tuhu mbacar siperik jalak erpagi-pagi...
Tapi mbacaren kena ngerana man bangku...
Tuhu metami perengge-rengge nguraki erga...
Tapi beluhen kam nami-nami man bangku...
Nde nangin..nde nangin..nde nanginku...
Tedehku e sikalang tindihen man bandu...

[reff]
Teran rupa kel aku rusur...
Muas aku mbegi sorandu...
Mesikel aku pedempak ayo...
Uga nge ndia rupa babandu...

Kita ngerana la tatap mata...
Erkelangken hp nokia...
Adi ngerana pedauh kuta...
Mbacar megani kena bangku...

Nde nangin..nde nangin..nde nanginku...
O cinta nokia nge ate ngena....(2x)

MEMORY DANAU TOBA

Terbayang kal aku rusur nande biring...
Sangana kita gawah-gawah ku danau toba...
Si boncengen kel ndube kita duana agingku...
Ngalur-ngalur tekongen pasar si nggedang...

Terpaksa kita erberngi teruh cemara...
Perbahan mogok kerentanta laterpekena...
Sitatapen kel ndube kita duana agingku...
Mbayangken merawa pagi mama ras mami...

[reff]
La ndube kusangka,minter kel kena lupa...
Lawes kel ndube kena njabuken bana...
Lenga tanda bulanna,kita mulih i danau nari...
Erjabu kam ras pilihen orang tuandu...
Piah tading me aku,termampa-mampa biringku...
Bagi nurung pulahi i tengah mbal-mbal...

Gundari ma karondu berkat erlajang...
Kutatap tare turang lawit simbelang...
Mulih-ulih kel kuinget kenangen masa erteman...
Sada berngi kita duana i danau toba....

SARUDUNG ERDOAH-DOAH

Lengetna e turang risona e...
Nimai-nimaisa turang kemulihenndu...
Ndigan warina kena mulih ku kuta...
Gelah kueteh pagi ngalo-ngalosa...

Dalan siapai turang serpang siapai...
Sikudalani turang ndarami kena...
Makana banci kita jumpa mulihi...
Bage jineken ukurku suari berngi...

[reff]
Kutatap tare turang jambur terulang...
Kuidah sarudung paksa erdoah-doah...
Naktak iluhna erdire mambur terisang...
Nde ngingetisa pusuhku arihta sirang...

Nggo gia turang nande tigan...
Kena lawes agi nadingken aku...
Ulih-ulihi pagi mama karondu...
Ku taneh kuta ingan kemulihenndu...

PERIK SIDUA-DUA

Adina banci turang kusayangi...
Seperpanganen min pagi ateku kita...
Seperukuren seperarihen kita duana...
Bagi perik sidua-dua...
Teridah sada teridah bage duana...

Adina banci turang morah ate...
Sepenggejapen min pagi ateku kita...
Sepengodak sepengole kita duana...
Bagi kerbo sada nioga...
Kuja sada kuje bage duana...

[reff]
Lawes kin pe aku...
Kudatas uruk meganjang...
Kena nge man tatapenku agingku...
Lawes kin pe aku...
Ndalani pasar singgedang...
Kena nge man daramenku mesayang...

Emaka turiken dage ukurndu...
Ula lasamken ateku keleng e...
Kena nge si kuarapken...
Ngurah-ngurahi pusuh mama karondu...

ULA KAM BANGGER-BANGGER

Ula kam bangger-bangger oh nande...
Maka cawir kam metua...
Man penggurun kami...
Ras agi-agi ku e...

Aku pe kuangka nge nande...
Bagi simereh lau lalu...
Kam rikut ras bapa...
Muat uang sekolahku...

[reff]
Sabar kam lebe nande...
Kentisik nari oh nandengku...
Tembe nge pagi nande sura-
suranta...
Gia megombang kerina...
Kade-kadenta oh nandengku...
Ula geluti nande ertoto kita...

Labo aku lupa oh nande...
Pedah sumpah kalak perburu...
Nina kemali mulih... Kune la maba ulih...
Nina kemali mulih... Kune la maba ulih...

ULA KATA-KATAKEN

Andiko manisna nde biring ah...
Pernah kuidah ia cirem...
Kune aku tatapna rempet aku
lupa kai merga si kubaba...
Rasberu kai ndube nande...

Kai nge panganindu nde biringku...
Maka bagena kel jilendu...
Lakin nge pernah panndu jering ras parira bulung gadung
belgang-belgang saja...
Tutung-tutung ikan kuli...
Timbas kel dagingndu bagi buah galiman tasak tamburi
bulungna...
Nande biring nde biringku...

[reff]
Ula kata-kataken turang...
Kerna kam ateku ngena...
Ula kata-kataken agi...
Kerna kam ateku jadi...
Sampati sitik aku impal...
Apai dalan banci ersada...

TULAN RANG-RANG

Ula lebe sada tahun agingku...
Aku i tadingkenndu...
Sada wari pe laku ngasup oh
buah baraku...
Adi sirang ras
kena...

Ula pedah lebe-lebeku
agingku...
Kam kuidah ras sideban...
Ibas nipi pe banci ula oh nande tiganku...
Jumpaindu jelma
sideban...

[reff]
Bagem sora pusuhku nande tigan...
Ku peseh menda bandu bere itingku...
Gelahna nggo i tehndu uga belinna...
Ateku ngena bandu...

Entah kam kin nge ndia kukelengi...
Tulan rangrangku ndube si urak sada... Maka sada wari kin
pe turang...
Lanai kungasup i
tadingkenndu....